Jarðarförin

Í dag varð uppi fótur og fit. Krakkarnir fundi dauðan tjaldur á "leynistaðnum" sínum. Það var greinilegt að þar hafði köttur verið að verki. Ég gróf holu og var tjaldurinn jarðaður með viðhöfn. Krakkarnir fundu stein, sem ég skrifaði á: Hér hvílir tjaldur, d. 16.08.08.

Tommi segist ekkert kannast við málið og lítur sakleysislegur út. Blíða horfir bara leyndardómsfull á mig, en mig grunar hann Tómas Högnason um verknaðinn. Blíða hefur ekki kunnáttu eða krafta til að veiða svona stóran fugl, en Tommi hinsvegar........

Clapton

Ég fór á tónleika með Eric Clapton í síðustu viku. Mig var búið að hlakka þvílíkt til að fara að hlusta á og sjá goðið. Clapton var frábær, en Egilshöllin hentar enga veginn fyrir svona stórviðburði. Það mátti ekki koma inn með drykkjarvörur, við eyddum rúmlega klukkutíma í biðröð til að fá vatn að drekka, alveg skrælnaðar. Clapton var byrjaður að spila áður en við vorum búin að fá að drekka. Inni í salnum var steikjandi molla og algjörlega loftlaust. Ég eyddi miklum tíma í að standa úti í reykjarmökki og hlustaði á tónleikana. Mér finnst hundfúlt að vera að borga 8000 kr. fyrir að standa úti í sígarettureyk (reyki ekki sjálf) og geta enga veginn notið tónlistina. Hurðirnar voru ekki opnaðar fyrr en í lokin, en þá var búið að bera nokkra út í yfirliði. Svo voru engin sæti og ef maður reyndi að stelast til að setjast í tröppurnar (sem voru fullar af fólki) var maður rekinn burt.

Ég fór líka á tónleika með James Blunt í júní í nýju Laugardalshöllinni, (sem voru by the way frábærir) þar var allt annað uppi á teningnum. Fyrir það fyrsta var ekki svona molla inni, eiginlega bara alveg passlegt og svo voru sæti, en ég var að drepast í fótunum eftir tónleikana í Egilshöllinni eftir að hafa staðið í 4 klukkutíma. 

Eitt er víst, ég fer aldrei aftur á tónleika í Egilshöllinni. Það þarf allavega mikið að breytast til þess að ég láti sjá mig þar. 

Seyðisfjörður

Fyrir ekki svo löngu síðan skellti ég mér til Seyðisfjarðar. Það var orðið allt of langt síðan ég fór síðast, eða 16 ár og því miður eru margir farnir.

Í Reykjavík rakst ég á mynd af skottunni minni, hún er þarna efst í bleikum pollagalla og fyrir neðan í vinstra horni við myndina af Ágústu er Saga skotta.

Séð yfir fjörðinn

Húsið hans Geira frænda er í niðurnýslu, en mér skilst að það standi til bóta

Legsteininn hjá ömmu og afa og litli frændi er þarna líka

Við skruppum út á Eyrar, þetta er Brekka, húsið sem amma og afi bjuggu í síðustu árin áður en þau fluttu inn á Seyðisfjörð

Bryggjan á Eyrunum séð út um glugga á Brekku

Gamli skólinn þar sem mamma gekk í skóla

Valla frænka, móðursystir. Hún er 92 ára gömul en er ennþá að dunda sér í handavinnu

Við vorum tvær nætur á Seyðisfirði, svo var keyrt á Selfoss. Keyrslan tók 9 klukkutíma og gekk í alla staði vel, ekkert óvænt kom uppá, en mikið var nú samt gott að geta lagst í koju í Herjólfi á heimleiðinni.

Að lokum langar mig að setja nokkrar blómamyndir inn

Yndislega fallegar Anemónur

Mánafífillin geislar í kapp við sólina

Bláklukkur. Í vor ætlaði ég að taka þetta í burtu, því ég hélt að þetta væri bara grasþúfa, en ákvað að bíða og sjá til, sem betur fer.

Silfurkambur frá því í fyrra. Hann er ca. 50 cm hár og er að fara að blómstra

Fleiri fallegar Anemónur

Þessar eru úr eigin "framleiðslu" og er ég bara nokkuð ánægð með þær

En nú fer ég rétt bráðum að gera eins og hún Blíða mín hérna. Góða nótt

Reiðnámskeið

Undanfarið hafa stelpurnar verið á reiðnámskeiði og líkað alveg rosalega vel.

Fyrst er að stimpla sig í bókina

Síðan þarf að ná í söðulinn, en Ágústa er með lítinn barnasöðul.

Sunna Mjöll komin með hest

Ágústa fær hjálp við að setja beislið á

Það þarf líka að kemba hestana

Sunna að leggja á sinn hest

og kemba aðeins betur

Hmmmmmmmmm..........hvernig gerir maður nú aftur þetta?

Sunna komin á bak

Og Ágústa líka

Og svo var lagt af stað í útreiðartúr

Útskriftarnemar úr reiðskólanum Lyngfell

Set að lokum inn myndir sem ég tók á miðnætti eitt kvöldið

Sólsetur á miðnætti í eyjum

Tunglið var fullt þetta kvöld

 

Stundum...........

.............verð ég hálf hrædd við sjálfa mig. Eins og t.d. þá dreymdi mig, að ég væri að taka úr þurrkaranum, en allur þvotturinn var ennþá hálf rakur. Svo í morgun fór ég að gera nákvæmlega það (taka úr þurrkaranum) og hvað haldið þið? Jú, ég varð að setja hann aftur í gang, því allur þvotturinn var rakur. Scary...........

Annars er veðrið búið að vera alveg yndislegt, brakandi sól og blíða. Ég tók mig til í fyrradag og byrjaði að bera á grindverkið á stóra pallinum, en varð að hætta vegna ofnæmis fyrir fúavörnini. Þrjóskaðist samt í nokkra klukkutíma.

Kominn getur, farin.

 

Blómin mín

Með hjálp bóka hefur mér tekist að finna nöfnin á flestum þeim blómum, sem vaxa úti í garði, en þó ekki öllum. Ef einhver þekkir þessi blóm, plííííís látið mig vita með því að setja það inn í kommentin.

Þessi planta er með frekar þykk blöð og skríður mikið. En falleg er hún.

Þessi myndar litlar þúfur með agnarsmáum, bláum blómum.

 

Í sól og sumaryl

Veðrið er búið að vera alveg yndislegt undanfarna daga, sól og blíða upp á hvern einasta dag. Morgunmatur úti á palli um helgar og hádegismatur þar þegar ég kem heim úr vinnunni. Vonandi er þetta bara forsmekkurinn af restini af sumrinu.

Sunna Mjöll, Ágústa og Ísabella að leika sér með kolkrabbann.

Saga var líka með. Alltaf sami prakarasvipurinn á henni Ágústu.

Gosbrunnur

Allir orðnir vel blautir

Hæ mamma, mér er kalt

Blíðu fannst nú best að halda sig bara innan um runnana, í hæfilegri fjarlægð frá busluganginum.

Tíhíhí............þetta var gaman.......

Vonandi verða margir svona dagar í viðbót.

Myndasyrpa

Ég hef nú ekki verið sérlega dugleg að láta vita af mér, en hérna er smá myndasyrpa yfir það sem gerst hefur síðustu mánuðina.

Blíða var tekin úr sambandi og varð að vera með lampaskerm. Takið eftir fýlusvipnum á kisuni.

Henni tókst að rífa upp skurðinn, Margrét fór með hana upp á Selfoss að loka henni, og þá fékk hún helmingi stærri skerm. Hún var ekki sátt.

Trampólínið var sett upp í kringum sumardaginn fyrsta.

Georg gaf mér þennan fallega blómvönd.

Þann 1. mai var útskrift á leikskólanun hjá Ágústu. Hún hættir samt ekki fyrr en 27. juni.

Stundum verða litlar stelpur þreyttar.

Sunna Mjöll sýndi dans á skóladeginum.

Fimleikaprinsessan mín.

Ágústa fékk nýtt hjól, og sjáið, hún þarf ekki hjálpardekk.

Við fórum í eggjaferð með pabba (reyni að setja fleiri myndir frá þeirri ferð bráðum).

Ég sigraðist á sjálfri mér og komst upp á Heimaklett. Hérna erum við á leiðinni niður aftur.

Svo fórum við með pabba út í Litlahöfða.

Ég fer í sumarfrí eftir viku, vonandi tekst mér að vera duglegri að láta vita af mér.

 

Krakkarnir á leikskólanum og fóstrurnar...............

..................virtust ekki taka eftir neinu þegar skjálftinn reið yfir í gær. Ég sat í bílnum fyrir utan leikskólann, en Sunna Mjöll fór inn að ná í Ágústu. Allt í einu byrjar bílinn að hristast, ég hélt að hann væri að bila og drap á honum, en hann hélt áfram að hristast. Ég ætlaði varla að þora að setja aftur í gang, hélt að bíllinn myndi springa í loft upp, eða eitthvað. Krakkarnir héldu bara áfram að leika sér, áhyggjulaus og tóku greinilega ekki eftir neinu. Þegar ég kom heim sat Margrét skít hrædd inni í stofu og ljósakrónurnar voru ennþá á iði. Það datt samt ekkert úr hyllunum, sem betur fer, en Georg hringdi af sjónum, hann fann fyrir þessu, hélt að hann hefði fengið í skrúfuna. Blíða sat furðu lostin fyrir utan og neitaði að koma inn. Tommi hinsvegar, hann svaf sínum fegurðarblundi eins og ekkert hefði gerst, enda þarf mikið til að raska ró hans.

Þessi skjálfti fannst samt ekki eins vel hérna í eyjum og skjálftinn sem var 17. júni 2000. Þá var ég stödd inni í dal með Sunnu, sem þá var þriggja ára. Ég greip hana með mér og hljóp eins og fætur toguðu, enda var þvílíkt grjóthrun og hnullungarnir ýmiskt á eftir mér eða á móti mér. Svo hætti ég að hlaupa, til hvers, þetta var hvort sem er búið, og stóð bara og reyndi að færa mig undan grjótinu, en passaði samt að ekkert kom fyrir Sunnu Mjöll. Ég mætti Bodda og hann sagði seinn að augun í mér hefðu verið alveg tóm, eins og ég væri búin að sætta mig við örlögin og væri tilbúin að mæta því sem verða mætti.

 

Sannspá stjörnuspá

Vatnsberi: Þótt þú standir þína plikt, virðist öðrum sem kíkja á, að þú skemmtir þér stórkostlega. Og ef þú íhugar málið, þá er það alveg satt!

Nettengingin er búin að vera eitthvað leiðinleg undanfarið, eða er það kannski talvan, hef þessvegna ekki nennt að blogga neitt. Vonandi fer þetta inn hjá mér.