Prjóankjóll

Ég prjónaði mér kjól fyrir sjómannadaginn, en hef ekki komið mér í það að setja mynd hérna inn, en hér kemur það. Hann er úr Létt lopa, prjónaður á prjóna nr.5 og stiiiiiinguuuur, verð að vera vel dúðuð undir honum, úffffff, en ég nota hann nú samt.

Stærðin er L í lykkjufjölda en síddin er S.

Munstrið er úr einhverri lopabók, man ekki númerið, en hún er ekki ný.

Svo kemur hérna ein svona í lokin til að sýna ykkur hvernig það getur stundum verið erfitt að prjóna þegar kisur ákveða að nú vilja þær láta klappa sér og klóra.

Eins og sést, þá ræð ég engu um það hvort ég prjóni akkúrat þarna, verst að malið skuli ekki heyrast með myndinni. ;)

Athugasemdir

[Ragnheiður , 28.6.2009 kl. 21:55]

Kannast við þessi kattarvandamál hehe en ég er einmitt minnst að prjóna úr léttlopanum, mér finnst hann stinga herfilega

[Sigrún Óskars, 28.6.2009 kl. 22:25]

innlitskvitt - gaman að skoða myndaalbúmið; handavinna og föndur.

Ein vinkona mín þvoði lopapeysuna sína með einni klessu af sjampói og einni af hárnæringu( bara álíka mikið og maður notar í hausinn á sér). Setti þetta bara í peysuna, setti hana í þvottavélina og stillti á ullarprógram - peysan varð mjúk og fín á eftir.

[Ragnhildur Jónsdóttir, 29.6.2009 kl. 00:03]

hahaha kannast við þetta kattavandamál   Kjóllinn er æðislegur! Ég hef heyrt um að nota fyrst ullarsápuna en síðan mýkingarefni eða hárnæringu í handþvotti. Ég er svo heppin að vera ekki viðkvæm fyrir þessu svo ég nota bara ullarsápuna.

[baun (IP-tala skráð) 29.6.2009 kl. 13:19]

VÁ FLOTTUR!!´...myndi fara mér einstaklega vel!!! ;o)