Röralaus

Losnaði við rörið í gær, sem betur fer. Gat því farið í vinnu í morgun. Rauk á fætur um 5 leytið í morgun. Heyrði í klukkuni, enginn kall við hliðina á mér í rúminu, hélt því að klukkan væri 6:30. En nei, þegar ég kom niður, sat hann inni í eldhúsi, á leiðinni á sjó. Fór bara upp aftur að sofa, en þá kom miðlungurin uppí, var með martröð og dreymdi enn eina ferðina eldgos. Ég held að hún hafi þetta á heilanum, að það komi annað eldgos hérna. Örugglega ekki gaman að vakna upp við svona draum.

Fór með kisurnar mínar í árlega bólusetningu. Tommi fékk mjög góða dóma, stór, stæðilegur og flottur fress (geldur). Blíða fékk sína fyrstu sprautu. Hún varð mjög æst, þegar við komum inn til dýra, urraði og hvæsti og gerði sig voða stóra, hehe. Hún slapp þó ekki, fékk sína sprautu og ormatöflu. Þarf að fara aftur með hana 3. júlí, það þarf að sprauta tvisvar fyrst, síðan einu sinni á ári. Var að grínast með það áðan, að Tommi fer í bíltúr einu sinni á ári, þegar hann fer til dýra.

Er að pína mig áfram með vagnteppið, því fyrr sem ég klára það, því fyrr get ég gert eitthvað annað. Langar að prjóna opna, Færeyska peysu á minnstuna. Langar líka að prjóna vesti með lopapeysumynstri á stelpurnar, en það má ekki vera úr stingugarni, eins og þær orða það. Helst bómullargarni, þær eru eitthvað viðkvæmar, greyin. Prjónaði renndar hettupeysur á þær úr Norsku garni, Alfa, en þær kvarta samt. Ég bara skiledda ekki.

Langar líka að prjóna vesti á sjálfa mig, geri það kannski fyrir Þjóðhátíð.

Athugasemdir

[Saumakonan, 30.5.2007 kl. 17:40]

úfff ég skil telpurnar svooooo vel... get lífsins ómögulega haft eitthvað "stingugarn" næst mér... yrði eins og rafmagnaður áll á eftir hlykkjandi mig á jörðinni viðþolslaus af kláða!!!!   

langbest að hafa fínt bómullargarn bara.. svona eins og í ungbarnapeysurnar

[Magnús Paul Korntop, 31.5.2007 kl. 11:19]

Sæl Matthilda,ekki vildi ég eiga peysu úr stingugarni þá myndu maður stinga sig allan daginn en ég er að velta því fyrir mér með nafnið þitt,ertu h´lfur færeyingur eða?Það skal upplýst hér að Korntops nafnið er þýskt með keltneskan uppruna.

[Matthilda M. Eyvindsd Tórshamar, 31.5.2007 kl. 15:01]

Saumakona: hahaha, flott lýsing.

Korntop: Já, pabbi var Færeyingur, frá Fuglafirði, sem er á austurey. Hann keypti nafnið Tórshamar, áður hétum við Joensen.