Prjónakennsla

Ég kenndi litlu skottunni minni að prjóna um daginn og var hún ótrúlega fljót að ná því, þið getið alveg ímyndað ykkur hvað mamman var stolt.

Búin að fara í gegn, svo er að setja bandið yfir

svo á að fara með bandið í gegnum lykkjuna

og svo sleppa fram af prjóninum, ekkert mál. Blíða segir að þetta gangi eins og í sögu.

Vonandi verður ekkert vesen þegar hún á að fara að byrja að prjóna í skólanum, ég kenndi henni að prjóna á færeyska mátann, en þannig prjóna ég. Núna grípur hún í prjónana annað slagið og er mjög dugleg við þetta. Hún ætlar að prjóna sér grifflur.  :)

Athugasemdir

[Ragnheiður , 27.6.2009 kl. 15:03]

Já ok flott stelpa ! en hvernig er prjónað á færeyskan máta ? ég hef stundum séð í bíómyndum að konur halda allt öðruvísi á prjónunum en við íslensku gerum.

Kveðja í eyjar

[Matthilda M. Eyvindsd Tórshamar, 27.6.2009 kl. 18:59]

Ragga, við prjónum eins og þú hefur líklega séð í bíómyndum, en án alls handapats, þ.e.a.s. við erum með bandið í hægri hendi en sleppum ekki prjóninum, allavega þær sem eru með meiri reynslu.

[Ragnhildur Jónsdóttir, 27.6.2009 kl. 22:30]

Bráðskemmtilegar myndir. Kisi fylgist með af athygli þegar heimasætan lærir fyrstu skrefin í prjónaskapnum. Lofar greinilega góðu

[Guðrún María Óskarsdóttir., 28.6.2009 kl. 01:04]

Eplið fellur sjaldan langt frá eikinni , segir máltækið og sú stutta séð eitthvað af móður sinni í þessu efni. Finnst alveg frábært að kisa skuli sitja sallaróleg hjá henni með prjónana.

kv.Guðrún María.

[Matthilda M. Eyvindsd Tórshamar, 28.6.2009 kl. 21:10]

Ætli kisa viti ekki af hættunni við að fá prjón í augað og hefur ákveðið að sitja bara róleg.