Prjónafærsla

Loksins hef ég eitthvað til að sýna ykkur. Ég er búin að vera voða dugleg með prjónana undanfarið, þó að það hafi ekki gerst mikið hérna á síðunni minni, en núna er ég með tvö verkefni sem eru tilbúin og afhent eigendum sínum. Svo er ég með 3 ungbarnasett í gangi auk einn ungbarna kjól sem ég verð að fara að drífa mig í að klára. Var nefnilega að eignast litla frænku í Færeyjum í kvöld og sú næsta á að koma á sunnudaginn. Svo verður bið fram í september, en þá á vinkona elstu dótturinnar að eiga. (vonandi kemur ekki eggjahljóð í Margréti).

Þennan skokk prjónaði ég á frænku mína fyrir 9 ára afmælið hennar.

Sunna Mjöll þurfti að sjálfsögðu líka að fá hringpeysu. Hún fékk fjólubláa og er rosalega ánægð með hana. Verð að reyna að ná mynd af henni í peysunni.

Athugasemdir

[BAun (IP-tala skráð) 9.5.2009 kl. 13:04]

Hún er svo ánægð með kjólinn og er svo sæt í honum! Þúsund þakkir!!

[Berglindhaf (IP-tala skráð) 10.5.2009 kl. 11:31]

SÆL,

Mikið er þetta flott! Hvaða garn notarðir þú í Hringpeysuna, og á hvaða prjónastærð??  Mér finnst hún koma mjög vel út!

Kveðja

Berglind

[Matthilda M. Eyvindsd Tórshamar, 10.5.2009 kl. 19:46]

Eydís, það er gott að heyra að hún er ánægð með kjólinn.

Berglind, ég notaði Silver Dream og prjóna nr. 5. Garnið fæst í Skólavörubúðinni og í Hannyrðarbúðinni í Hveragerði.

[Ragnhildur Jónsdóttir, 10.5.2009 kl. 21:06]

Æði!

[Hjördís Inga Arnarsdóttir, 11.5.2009 kl. 14:00]

Bæði kjóllinn og peysan rosalega fallegt! Æðislegt að fá svona afmælisgjöf!

[Ásthildur Cesil Þórðardóttir, 12.5.2009 kl. 10:12]

Mikið er þetta falleg prjónaverk Matthilda mín.  Ég hef aldrei séð svona hringpeysu áður. 

[Sigrún Þorbjörnsdóttir, 13.5.2009 kl. 22:19]

Fallegar flíkur. Ég er að prjóna grifflur og legghlífar úr silver dream garninu, skemmtilegt garn.