Helgarverkefni

Helgarverkefnið mitt að þessu sinni var að prjóna mér sjal. Ég fann uppskrift í Prjónablaðinu Ýr nr. 34 sem mér leist vel á, en ákvað að hafa aðra liti, þar sem sjalið í blaðinu var bleikt. Ég valdi að hafa það grátt, þá passar það við kápuna mína. Ég byrjaði að prjóna það seint í gærkvöldi og kláraði það í dag. Það er prjónað á prjóna nr. 8 (átti reyndar að vera prjónar nr. 10, en þar sem ég á ekki svo grófa prjóna og hafði ekki þolinmæði að bíða fram á mánudag að kaupa þá, þá notaðist ég bara við fínni prjóna).

Það er þrenns konar garn í því, Chili, Kitten mohair og Smart. Átti reyndar að vera Mandarin Classic, en það er ekki til hérna í eyjum.

Hérna er nærmynd af því. Það er ótrúlegt mjúkt og svo auðvelt, allir ættu að geta ráðið við að prjóna það.

 

Athugasemdir

[Matthilda M. Eyvindsd Tórshamar, 14.9.2008 kl. 19:44]

Hahaha  var bara að taka eftir þessu núna. Sjáið þið Blíðu þarna undir mottunni, loppurnar standa fram undan henni hahahahaha

[Sigrún Þorbjörnsdóttir, 14.9.2008 kl. 20:10]

Hahahaha hún er alveg brilljant hún Blíða. Svona er hægt að hitta á skemmtileg augnablik  En mikið svakalegur dugnaður er í þér, þú ert bara næstum því ofvirk  En mmm..er þetta ekki mjúkt sjal?

[Ragnhildur Jónsdóttir, 14.9.2008 kl. 20:29]

Æðislegt sjal! þú ert ekki lengi að þessu!  Kisur eru BARA skemmtilegar hahahah

[Matthilda M. Eyvindsd Tórshamar, 14.9.2008 kl. 20:40]

Kisur eru æði. Jú Sigrún, þetta er mjög mjúkt sjal og ég á alveg örugglega eftir að nota það mikið.

[Berglind (IP-tala skráð) 14.9.2008 kl. 22:50]

Sælar.

Þetta er nú meiri dugnaðurinn. Rosalega flott sjal. Gott að fá svona hugmynd ef manni vantar skyndigjöf!

Kveðja

Berglindhaf

[Guðrún María Óskarsdóttir., 14.9.2008 kl. 23:52]

Myndarskapurinn, ég verð græn af öfund

Já frábært að sjá kött í felum he he...

kv.gmaria.

[Baun.. (IP-tala skráð) 15.9.2008 kl. 09:27]

Geðveikt! Þú ert svo dugleg! Er ennþá að hugsa um hosurnar..........bara hugsa um þær, sko...hehe

[Ragnheiður , 15.9.2008 kl. 16:17]

Hey ég þarf að fá þessa uppskrift senda - langar svo í sjal

Kisan er fyndinn leynigestur á myndinni hehhehe

[Bóla (IP-tala skráð) 20.9.2008 kl. 11:56]

Dugnaður er þetta í þér stelpa,hvernig kemstu yfir þetta allt saman,útivinnandi og með stórt heimili,það vantar ekki þrautseigluna í þig.Þú ættir sko að fá orðu fyrir dugnað

[saumakarfan, 22.9.2008 kl. 08:42]

Mikið er þetta fallegt sjal, til hamingju með það.  Frábært að hafa kisu svona sem leynigest á myndinni.