Gallerý Heimalist

10.9.2008 | 14:26

Sigrún spurði um gallerýið.

Eins og nafnið gefur til kynna, þá selur gallerýið heimatilbúnar vörur svo sem lopapeysur, sængurgjafir, glerlist og myndlist, og allt þar á milli. Við seljum líka svokallaðar túristavörur, en það heldur þessu öllu gangandi. Kjarninn er 8 konur, sem skiptast á að vinna sjálfboðavinnu. Í vetur er opið virka daga 13-17 og laugardaga 11-14. Við erum með stjórn, og er ég ritari. Það eru allir velkomnir að taka þátt með okkur og koma með vörur. Þær sem geta unnið eitthvað borga 25% af hlutum sem þær selja, hinir borga 30 eða var það 35%. Man það ekki alveg. Þetta er rekið án nokkurs konar styrkja og á meðan við getum borgað húsaleigu, hita, rafmagn og annað sem þessu fylgir, erum við ánægðar.

Flokkur: Bloggar | Facebook

Athugasemdir

Flott hjá ykkur. Ég vona bara að þetta gangi áfram vel hjá ykkur. Þetta fer á listann minn, ég skoða þetta þegar ég læt verða af því að koma til Eyja. Vestmannaeyjar er einn af fáum stöðum sem ég á eftir að heimsækja á Íslandi. Amma mín var Vestmannaeyingur svo ég á alveg erindi að skoða æskuslóðir hennar, ásamt fleiru