Prjónablogg

Stundum læt ég mig dagdreyma um að geta hætt í slorinu og haft góðar tekjur af því að prjóna fyrir fólk, en svo vakna ég alltaf aftur til gráan veruleikann. En ég er byrjuð að undirbúa veturinn og á sunnudaginn prjónaði ég mér trefil, eða kannski á maður að kalla það kraga. Uppskriftin er inni á garnstudio.com. Svo prjónaði ég líka húfu í stíl, en það þýðir ekkert að reyna að leita að uppskriftinni fyrir hana, því ég skáldaði bara jafn óðum og ég var að prjóna. Æta líka að prjóna vettlinga í stíl og jafnvel sokka. Þá ætti ég að vera tilbúin fyrir snjóinn og kuldann í vetur. Garnið átti ég fyrir, svo ekki þurfti ég að fara í búð að versla garn. Er að spá í að prjóna mér lopakápu, en ætla að sjá til með það.

Svona lítur þá trefillinn/kraginn út

Húfan

Sunna Mjöll var svo elskuleg að vera módel fyrir mömmu sína.

 

Athugasemdir

[Ragnheiður , 2.9.2008 kl. 18:44]

Flott hjá þér !

Ég held að það yrðu kannski ekki uppgrip í prjónavinnu en hugmyndin er ágæt.

[Sigrún Þorbjörnsdóttir, 2.9.2008 kl. 20:24]

Vá, ekkert smá flott hjá þér, og flott fyrirsætan. Já það væri nú draumur að geta lifað á prjónaskap en ég held að tímakaupið væri nú frekar lágt. En þú getur prjónað gjafir, það er svo gaman að fá heimaprjónað fyrir þá sem ekki prjóna sjálfir.

[Baun.. (IP-tala skráð) 3.9.2008 kl. 21:05]

...langar líka í svona....

[Bóla (IP-tala skráð) 3.9.2008 kl. 22:19]

vá hvað þetta er floooootttt.Þú veist hver á afmæli í janúar.blikk blikk

[Hjördís Inga Arnarsdóttir, 4.9.2008 kl. 15:48]

Þetta er alveg frábært á eftir að hlýja þér vel í vetur !

[sunna (IP-tala skráð) 5.9.2008 kl. 12:04]

Alltaf flottust,tú veist hver átti afmæli 27.

[anna (IP-tala skráð) 5.9.2008 kl. 19:06]

Smá friður, kúl hjá þér, kannski þú ættir að fara út í bisnes sjálf, en þá verð ég ..í vinnunni.

[Matthilda M. Eyvindsd Tórshamar, 6.9.2008 kl. 11:05]

Takk fyrir stelpur, það er aldrei að vita hvað verður í afmælispökkunum.

Anna, langar þér virkilega að sitja ein í pásunum, eða með.............þú veist?

[Ásdís Emilía Björgvinsdóttir (IP-tala skráð) 6.9.2008 kl. 12:29]

Sæl vinkona!

Þetta er mjög flott hjá þér.  Synd að það skuli ekki vera hægt að lifa af prjónaskap eða handavinnu.

Kær kveðja

[Ragnhildur Jónsdóttir, 9.9.2008 kl. 12:54]

Æðislegur trefill/kragi ! Frábært, það er svo gaman að búa til eitthvað fallegt og tala nú ekki um þegar notagildið er til staðar líka

Þakka þér innilega fyrir falleg komment á bloggið mitt