Slipping trough my fingers

Nú fer sú stutta að byrja í skólanum á mánudaginn. Mér finnst það frekar ótrúlegt að minnsta barnið mitt skuli vera orðin svona stór, var það ekki bara í fyrradag, sem ég kom með hana heim nýfædda að spítalanum?

Þetta lag með Abba poppar alltaf upp í huga mínum, þegar stelpurnar byrja í skóla og finnst mér það nokkuð lýsandi fyrir hvernig mér líður þessa dagana. Verst leið mér samt þegar Margrét byrjaði í fyrsta bekk, enda fyrsta barnið mitt, svo verður maður meira sjóaður í þessu öllu saman. Hlustið á textann.

Athugasemdir

[Ester Sveinbjarnardóttir, 23.8.2008 kl. 17:53]

Minn litli er 9 ára, að fara í 4 bekk.  Það sem bjargaði mér fyrsta árið hans var að bróðir hans var í 9. bekk og fylgdist með honum.  Hjálaði honum heim á daginn og þ.h.

Sól til þín.

[Sigrún Þorbjörnsdóttir, 23.8.2008 kl. 22:32]

Tíminn bara flýgur áfram. Stóra stelpan mín byrjar í skóla næsta haust. Mér finnst ótrúlegt þegar ég hugsa um það núna þegar skólarnir eru að byrja, að hún byrji næsta haust. En það er kannski eins gott að maður fái langa aðlögun, lengja smátt og smátt í naflastrengnum  því þau verða fullorðin áður en maður veit af! Aðalmálið er held ég að njóta hvers augnabliks, sama á hvaða skeiði þau eru. Bestu kveðjur