Anemónur

Loksins er ég búin að eignast hús með garði og er að fikra mig áfram. Er búin að versla fullt af vorlaukum og búin að gróðursetja í potta, sem ég ætla að hafa úti á palli. Í síðasta mánuði sáði ég sumarblóma fræjum sem eru sprottin, en eitt veltist fyrir mér og það eru anemónurnar. Er með tvo poka niðri í bílskúr, en veit ekki alveg hvað ég á að gera. Á ég að gróðursetja þær í potta, eða er hægt að setja þær beint út í garð þar sem ég ætla að hafa þær. Ætlunin er að hafa þær í beði við innkeyrsluna sem snýr í vestur, eða kannski frekar suð-vestur. Getur einhver hjálpað mér með þetta? Ég yrði innilega þakklát. Og eitt enn, geta anemónur lifað af veturinn úti í garði, eða þarf að taka þær upp um haustið.

Athugasemdir

[Baun.. (IP-tala skráð) 20.4.2008 kl. 17:19]

Vitikki.....eru amóníur ekki að spretta útí beði hjá Bólu....ekki tekur hún þær inn.....annars veit ég ekki.....

[bóla (IP-tala skráð) 20.4.2008 kl. 22:57]

Stendur ekki eitthvað um þetta í Stóru Blómabókinni,sem þú fékkst lánaða hjá okkur.

[Hjördís Inga Arnarsdóttir, 23.4.2008 kl. 18:57]

Mér dettur bara í  hug lagið sem Ronja syngur um anemónur gleðisöngur um vorið.Ég setti niður anemónulauka sl.haust þær eru að gægjast upp. Einu sinni setti ég hnýði niður að vori þau voru þurr þurfti að leggja þau í bleyti yfir nótt þetta kenndi Eiríkur í Eyjablóm mér anemónurnar voru búnar að koma upp ár eftir ár í gamla garðinum.En til hamingju með nýja heimilið og garðinn