Uppvakning

Vildi bara láta vita af mér. Hef verið mikið upptekin undanfarið, bæði í vinnunni og hérna heima. Var minnt á það í gær að slaka aðeins á. Var í vinnunni, þegar ég fór að fá svimaköst og hraðan hjartslátt. Þetta gerðist nokkrum sinnum, og var mér ekki farið að standa á sama og ákvað að fara heim, en þar sem ég var með svima, þorði ég ekki að keyra heim. Fór því inn á skrifstofu, þar sem báðir verkstjórarnir voru, og spurði, hvort einhver væri til í að keyra mér heim? þeir spruttu báðir upp úr stólunum sínum, annar keyrði mér heim, hinn kom á eftir á bílnum mínum. Góðir yfirmenn þar á ferðinni.

Ég hringdi svo í vakthafandi læknir og sagði hann mér að koma niður á sjúkrahús. Ég mætti þar og var tekið af mér hjartalínurit. Á meðan ég var í tækinu, fékk ég annað svona kast og fór púlsinn upp í 160. Læknirinn var bara ánægður með að þetta skyldi gerast, og eiginlega ég líka, því þá sáu þeir að þetta var ekki bara kerlingavæl í mér. Því næst fékk ég lyf í æð sem lækkaði hjartsláttinn og var ég lögð inn í nokkra klukkutíma, meðan það var verið að fylgjast með mér. Kom heim um kvöldmatarleytið.

Þetta vakti mig heldur betur til umhugsunar. Ég tek þessu sem aðvörun. Ég er ekki tilbúin að kveðja strax og ætla að gera það sem ég get til að svo verði ekki.

Ég ætla í vinnu á morgun, ef ekkert gerist, en á að hafa samband strax annars. Ætla að fara vel með mig héðan af.

Athugasemdir

[Ásthildur Cesil Þórðardóttir, 13.4.2008 kl. 16:10]

Æ Matthilda mín, vonandi er þetta bara eitthvað smáræði. Knús á þig inn í vikuna framundan.  Vonandi batnar þér fljótt og vel.

[Guðrún María Óskarsdóttir., 14.4.2008 kl. 01:31]

Sæl Matta.

Hjartans knús til þín , farðu vel með þig.

kv.gmaria.

[Baun.. (IP-tala skráð) 14.4.2008 kl. 08:23]

Já, það er eins gott Matthilda mín! ...annars....þússt...tappinn!.....fiskarnir útí sjó!!

160 er ekki góð tala, svo passaðu sjálfan þig því að enginn annar gerir það....nema kannski Georg!

 nússar,

Baun.

[Ragnhildur Jónsdóttir, 14.4.2008 kl. 09:54]

Nú er að hlusta á skrokkinn og fara varlega það er ekkert alltaf auðvelt en þarf að æfa

Bestu kveðjur

[Matthilda M. Eyvindsd Tórshamar, 16.4.2008 kl. 19:13]

Þakka ykkur góðar kveðjur. Núna er ég að reyna að ekki vera að láta smámál fara í pirrurnar á mér og stressa mig að óþarfa.

Gleymdi víst að nefna það, að ég er lág í járni og þarf að taka járntöflur, en það getur hafa orsakað þetta.