Og þá fór að snjóa

Það gerist ekki á hverju ári að allt fer á kaf í snjó hér í eyjum, síðasta vetur var sleðafæri í tvo daga, að mig minnir, en á þriðjudag fór að snjóa og ekki smá mikill snjór. Það fór hreinlega allt á kaf. Vestmannabrautin varð ekki rudd fyrr en á miðvikudag (það mætti halda að maður borgaði ekki skattana sína). Ég hafði vit á því að færa bílinn minn, en bíll vinkonu Margrétar var hérna fyrir utan, og er enn. Ég tók myndir af þeim vinkonunum að reyna að moka bílinn úr snjóskaflinum, en ekki gekk það neitt, hann er þar enn.

Hún (Margrét sko) getur ekki skilið, afhverju ég vill ekki lána henni bílinn minn í þessari hálku. Hún er búin að vera með bílpróf í tæpa tvo mánuði. Ég er viss um að þið skiljið mínar ástæður.

Athugasemdir

[Guðrún María Óskarsdóttir., 21.1.2008 kl. 01:29]

Sæl Matta.

Nei þetta er ekki alveg venjulegt, núna miðað við undanfarin ár.

40 cm jafnfallinn snjór var undir Eyjafjöllunum frétti ég.

kv.gmaria.