Ennþá gengur vel

Það er bara allt í sómanum hjá mér, gengur rosalega vel. Var með kjúlla í matinn í kvöld, svo var ég líka með kartoftlu-og seljurótarmús, bara nokkuð gott. Inni í ísskáp bíður súkkulaðimús eftir að verða étin. Með því er appelsína, verður örugglega gott. Gelgjan sagði við mig í dag að ég væri eins og anorexíusjúklingur, þar sem ég var að vigta grænmetið mitt í hádeginu.

Er byrjuð á fjarnáminu, sendi henni upplýsingarnar um mig í dag, þyngd, hæð o.a. Svo var ég með einhverjar spurningar handa henni, fæ svar á morgun.

Við erum búin að vera með pysju í fóstri í nokkra daga. Greyið var svo lítil og dúnuð, þau á Fiskasafninu sögðu við miðlunginn að hafa hana í fjóra daga, og sleppa henni svo. Þau gáfu henni meira að segja nokkrar loðnur að gefa pysjunni. Hún (pysjan, sko) er búin að vera dugleg að borða, hún hefur líka fengið rækjur. Georg og litla skottan voru að sleppa henni áðan, greyið hefur örugglega verið frelsinu fegin. Það var bara gaman að hafa hana hérna. Í gær var hún með hausinn upp kassanum að fylgjast með okkur, rosa sætt. Skyldi hún koma aftur til okkar á næsta ári? Þá er ég ekki að meina hamflett og reykt.