Blíða og pysjurnar

 Þetta er hún Blíða. Hún er tæplega sex mánaða (muna, getnaðarvarnir fyrir hana). Hún hefur jafn mikinn áhuga á lundapysjuveiðum og "mamma" hennar, hún Sunna Mjöll. Um daginn, þegar við komum heim, var ein pysja undir tölvuborðinu og Blíða sat og starði á hana, en gerði henni ekki neitt. Annað skiptið höfðum við sett kassa með pysju (ekki sama pysjan) upp á stól og bakaraofnsplötu yfir, svo pysjan kæmist ekki úr kassanum. Þá datt kassinn allt í einu á gólfið, og þegar það var farið að athuga málið, var Blíða í kassanum. Á myndinni er hún að skoða pysju sem er í kassanum. Það sakl tekið fram, að hún hefur aldrei (hingaðtil) gert pysjunum mein. Þetta er örugglega bara forvitni í henni, hún þarf ekki að veiða sér til matar, hún er ofdekruð þegar það kemur að þeim málum.