Plástur á meiddið

Litla skottan mín er á plástratímabilinu. Það er settur plástur á allt. Ef hún rekur sig í, er settur plástur á meiddið. Ef kisa klórar hana, er settur plástur á meiddið. Það þarf ekkert að sjást, það er nóg að henni finnur til, þá er settur plástur á meiddið. Um daginn rak hún vörina í og reyndi að setja plástur á, en komst fljótt að því, að það var ekki sniðugt.

Hún vill engan venjulegan, brúnan plástur. Nei, prinsessuplástur skal það vera. Það er bleikur plástur, með myndum af Disney- prinsessum.

Áðan kláraðist plásturinn. Hún varð að láta sér nægja venjulegur plástur, með loforði um að mamma myndi kaupa nýjan prinsessuplástur í dag. Nú er hún með tvo prinsessu-plástra og einn "hring" plástur.

Ég var líka með nokkra plástra í gær. Ákvað, að það væri kominn tími til að raka fótleggina aftur, enda orðnir vel loðnir, eins og api. Tók ekki eftir nokkrum bólum (fyrir öllum hárunum). Rakaði mig vel slétta, en þá fór að blæða. Ekki bara á einum stað, heldur var ég komin með eina sjö plástra á báða fótleggina. Þurfti að fara niður í Gallerý að afgreiða, var að verða of sein, gat þessvegna ekki beðið eftir að það hætti að blæða, skellti bara plástrum á. Var í kremuðum buxum og var nú ekkert á því að láta sjást alt blóðið.

Hvað skyldi litla skottan fara með marga plástra í dag?

Ef það væri bara altaf svona einfalt, bara skella plástri á meiddið. Ef það væri bara hægt að setja plástur á, þegar manni líður illa og finnur til. Ef það væri bara svona einfalt. Ef það væri til plástur, sem væri hægt að skella á sálina þegar manni finnur til í henni. Ef það væri bara svona einfalt.

Bara skella svona eins og einum plástri á meiddið.

Athugasemdir

[Alvilda Gunnhildur Magnúsdóttir (IP-tala skráð) 30.6.2007 kl. 12:37]

Mikið kannast ég við þetta plástra tímabil !! Ég er með tvo svoleiðis. Það er sko heldur ekki sama hvaða plástar eru notaðir og það er meira að segja líka kvartað ef plástur með samskonar mynd er settur 2 í röð hahaha. Elskurnar litlu.

Já það væri fínt ef það væri til svona sálar plástur. Kanski finna þeir upp eitthvað í þeirri merkingu einhverntíma hver veit. 

[Baun (IP-tala skráð) 30.6.2007 kl. 16:50]

Er ekki búið að finna uppá sálarplástri.....Prozac...!?

[Saumakonan, 3.7.2007 kl. 10:17]

mig vantar plástur!!!!!!!    er að reyna að pikka með annari hendi þar sem hin er ónothæf     kvitt frá handlamaríki