Mount Wash-load

Ég sé tvö fjöll út um stofugluggann minn, Helgafell og Eldfell. Þegar ég vaknaði í morgun, hafði myndast nýtt felli. Reyndar sé ég það ekki út um stofugluggann, heldur verð ég að fara niður í þvottahús til að sjá það. Hef farið upp á Helgafell, ekki Eldfell en er að spá í að reyna að sigrast á Þvottafelli. Hvimleitt að hafa heilt fjall niðri í kjallara hjá mér. Ég rétt leit undan, og vúpsí, þarna var komið fjall. Þetta er alveg með ólíkindum.

Sit annars með headfónin og er að hlusta á Gregorian. Kynntist þeim á youtube fyrir nokkru og ég varð strax heilluð. Nú er bara að finna geisladisk(a) með þeim. Mér var bent á Smekkleysu, en hvar er sú verslun? Í Reykjavík, jú, en hvar í Reykjavík?

Athugasemdir

[Bóla (IP-tala skráð) 3.6.2007 kl. 18:16]

Ég er búin að klífa nokkur svona fjöll í gegnum lífið,ofsalega gaman þegar maður er komin yfir þau,það er bara verst að þau koma alltaf aftur

[Saumakonan, 4.6.2007 kl. 11:38]

alveg ótrúleg þessi þvottafjöll... var búin að klífa eitt hér en svo var allt í einu komið ANNAÐ!!!  *dæs*

[Matthilda M. Eyvindsd Tórshamar, 4.6.2007 kl. 13:30]

Þessi blessuðu fjöll virðast bara koma í skjóli nætur.